Wednesday, October 27, 2010

Ek Din


Ek din sapnon main kuch aisi baarish hogi,
Pahaadon ko cheerati ek chanchal nadi hogi,
Hawaon main soundhi-soundhi si mehek hogi,
Kisi shaam kuch aise unse mulakaat hogi.

Yeh nazarein ek baar phir se betaab hogi,
Saanse roomani, dhadkanon main dhun hogi.
Yeh dil gayega, geet main unki hi baat hogi,
Dhoop to hai hi, narm chaon bhi sunhari hogi.

Woh saral hogi, mann main komalta hogi,
Julfein jo lehrayengi to bus raat hogi.
woh muskura jaye to kaliyan phool hogi,
Hase to baadal garaje, aur varsha hogi.

Jab milegi nazarein unse, to yun to khamoshi hogi,
Hoth chup, aankhon hi aankhon main baatein hogi.
Hum kuch kahein na kahein, aawaz hamari un tak hogi,
Hum unke dil aur woh hamare nazar-o-dil main hogi.

Rahoon main phir se phool honge, kaliyaan hogi,
Patjhad ke baad phir se suhaani vasant ritu hogi.
Sang khelenge holi, phir se zindagi rangeen hogi,
Deepak main phir jyoti, aakash main aatishbaazi hogi.

Friday, October 8, 2010

Jeene Ki Arzoo



After "Har Lamhe Bus Pal Do Pal Ke", phir se kuch mann hua
us pari ke baarein thodi baatein aur kar li jaayein, to bus yun hi -
 

Har raat sapno main aati hai, kuch aisi baatein kar jati hai,
So jata hoon mithason main, lekin subah to phir ho jati hai.
Mar to gaye hi the hum, usne phir se nayi jaan dal di hai,
kuch aisa amrit diya hai, jeene ke sahi arzoo ab pa lee hai.

Mayne badal gaye hai zindagi ke, kuch sahi hai, baaki sahi ho jayenge,
socha na tha, zindagi ke mod kabhi kahaan kabhi kahaan le jayenge.
Hum khush rehne ka vada karte hain, khushi khushi sab seh jayenge,
Aap bus yunhi gungunate rehna, dhun to saath main hum dete jayenge.

Woh kehti hai kyun nahi bulaya sapno main mujhe pehle,
Main kehta hoon neend kahan thi inn aakhon main akele.
Kabhi dard ka ehsaas tha to kabhi kisi ko khone ka darr,
Ab aa gaye ho to rehna inn aakhon main yunhi ujale ujale.

Nahi jaanta hoon main ki yeh duniya mil payegi tumse kabhi,
Ek pyaari dost jiski aakhon main hai chupi baatein badi badi.
O Pari, Sach to yahi tumhare kaaran mili yeh zindagi nayi,
Iss dosti ko nazar na lage, khuda se maangte yahi dua abhi.

Thursday, October 7, 2010

Har Lamhe Bus Pal Do Pal Ke


Jab us pari ne "Ruhaani si mehek" padha,
aur usne apni khushi ki jaahir,

Maine likh di phir kuch aur panktiyan,
kuch is tarah ban gayi woh meri prerna.


Pari hai ya hai woh ek sadharan insaan,
Dost to thi woh meri kabse, ab dost-e-khaas.

Yeh saara padhkar ho gayi woh bhi hairan,
Sochi, itne keemati hai uske yeh sab nishaan.


Lagi woh jhoomne, gaane, chikhne aur chillane,
Zameen kya falak tak bhi nahi the uske thikane.

Paro pe kaboo na raha, udd gayi door gagan main,
Fitoor tha yeh uska, le aayi bahaar chaman main.


Usne sikhaya kaise udte hain aasmaan main bin paro ke,
Aur ye bhi sikha maine ki kaise haste hai bin adharo ke.

Ashqon main bhi swaad hota hai jab girte hain gaalon pe,
Hamesha muskurate rehna, har lamhe bus pal do pal ke.


Tasavvur main hai woh, mere khwabon-khayalon main,
Khumari hai ab ya kuch iss tarah hi zindagi ki dagar hai.

Uth bhi jaye parda uski asliyat se to kuch khabar hai,
Uski woh baatein mere dil main ab shaam-o-seher hai.


Log puchte hain mujhse ki batao hai kaun yeh haseen pari,
Main kehta hoon sabse ki jaan jaoge aane do woh ghadi.

Rehne do parde main abhi, achi lag rahi hai woh chupi chupi,
Kya kaafi nahi hai itna, mere dil-e-nazar main hai woh basi.


Wednesday, October 6, 2010

Rang - "Lamhe - The moment of Colours"

Rang main ada, rang main hai Khuda,
Rango ki baatein hai sabse judaa.
Rang de mujhko tu, sang main apne ko tu.
Rang de duniya ko, iss pure jahan ko tu.

Rang se hai zindagi, rang se hi bandagi.
Rangeen yeh mausam hai, rangeen yeh dillagi.
Dukh main bhi hai rang, sukh main bhi rang rang,
Chala chal tu jeevan main, chale rang tere sang sang.

Rang se hai Rangoli, mast rangeen yeh Diwali,
Rang se hai rishte-naatein, rang se hi kheli Holi.
Rang se dil milte hai, dil main phool khilte hai,
Phoolo se bani mala, phoolo se hai ban-maali.

Rang ka na koi dharam, na jaati, aur na hi koi bhasha hai,
Bhar de zindagi main khushi, rang ki yeh paribhasha hai.
Sab rang mil jaye to indra-dhanush ban jata hai,
Rang main mil khil kar manush poora ho jata hai.

Rang main ada, rang main hai Khuda,
Rango ki baatein hai sabse judaa.
Rang de mujhko tu, sang main apne ko tu.
Rang de duniya ko, iss pure jahan ko tu.

Tuesday, October 5, 2010

Ruhaani si Mehek


Pari ek mere sapno main aayi,
Aakar ek nayi raah usne dikhayi.
Kuch ruhaani si mehek thi usme,
Jeene ki kuch alag si chaahat thi usme.

- Woh shabdo ke roop main jo barse phool, kuch yun kehna tha uska -
Nadi hoon main, pari hoon main, pahad hai, pathar bhi hai rahon main,
Ek din to saagar main mil jana hai, magar aade-tedhe kinaro ka maza to uthana hai.

Din hai to raat to hogi hi, andhera jaayaz hai,
Raat to guzar jana hai, dard-e-ehsaas reh jana hai.
Aur naye din, sooraj ki pehli kiran ka intezar hai,
Magar is raat ki chubhan main bhi kuch mithaas hai.

- Woh phool jab lage mann ko mere, aaya samajh main kuch yun mujhe -
Har ek din ek nayi shuruaat hai, yeh andhera to chand palon ki baat hai.
Ek pari aur kuch farishte hi nahi, yeh khoobsoorat duniya mere saath hai.

- Usne phir farmaya kuch is tarah -
Kisi din jab ek sunhari dhoop main baithe sochoge tum,
Yeh raatein, yeh andhere, aur yeh ehsaas, karoge yaad tum.
Inhi raaton ne nikhara hai, aur dinon ne khilaya hai tumhe,
Bus bhool na jana unko, mushkilon main sambhala hai tumhe.

Hum bhi hai, safar bhi hai, dariya hai, paani bhi hai, aage to jana hai.
Leharo ko kaatate chalo, kinare tak yunhi koi humsufar bhi mil jana hai.
Pyaar to bus dene ka naam hai, pyaar ki aas rakhna khud se bemani hai,
Pa lo tum jo chaho to mauj hai, nahi to rab ne kuch aur thaani hai.

- Aur phir main samjha kuch yun -
Tere swar bane saans meri, aur shabd bane muskurahat meri,
Mere dard ko usne apne andaaz se banaya khilkhilahat meri.
Khoobsoorat duniya ko de naye rang tu, kuch is tarah zindagi jee teri,
O pari, mor-pankhon si hai shobha, koyal si hai chah-chahat teri.


Billi raasta kat gayi, and then ???

From a real incident in my life ...

Morning as early as 05:30 AM.
Standing outside a guest-house, me with a friend,
Kolkata and taxi strike the same morning,
And, have a flight to bangalore to catch in sometime.
Started walking towards the main road,
In hope of getting taxi or some conveyence to reach airport.

And....
Kaali Billi raasta kaat gayi?

Whatz next?

Comments please...



To Be Continued ...
...