Mere dost, yeh aisi bhi kya ladai hai,
kabhi tu aur kabhi teri parchai hai.
Zindagi chalti ja rahi hai yunhi aage,
keval haar hi hai ya jeet bhi payi hai.
Uth zara dekh, sooraj to aata hai rozaana,
Bahut mushkil hai yun to kinaron ko mil jana.
Tu hai agar sachcha, aur tera marg acha,
Kadam choomengi tere manzilein yeh pakka.
Rakh apne par tu yeh vishwaas,
Aur zindagi main kuch paane ki aas.
Kehne de logo ko jo kuch kehna hai,
Ek din samajh hi lenge tere yeh khaas.
Kyun tune bus ladne ki hi thaani hai,
lehro se ulte hi jana yeh manmaani hai,
kab jiyega apni zindagi tu hokar beparwah,
yeh duniya to aise hi, aise hi aani-jaani hai.
Na ho tu udaas aur na ho to yun pareshaan,
Raasta chuna hai jo tune, yeh nahi aasaan.
Par woh din dur nahi, lehre hogi teri humsafar,
aur mit jayenge mushkilon ne naamo-nishaan.
4 comments:
very lovely poem... though it has come after a very very long time :D
keep writing... its alwayz a delight to read your poems :D:D:D
hey Thanks Neha :-)
Ya, I know its after a long long time.
Thanks again :-)
kya bhai kya baat hai yaar...badi acchi acchi likhi hai aapne to...but itne din baad yaad kaha se aaye aapko....:)
Thanks :-)
Aisa hi hai :-)
Post a Comment